Соопштенија

Поддржуваме парламентарни избори, со една изборна единица и отпечаток при гласањето

ВМРО-Народна партија во пресрет на се поизвесното одржување на предвремени парламентарни избори, како единствен легитимен пат за излез од длабоката политичка криза во Р.Македонија, дава целосна подршка на ова идеја.

vmro_np

Во услови на крајно сложени состојби, предизвикани од меѓупартиска поделеност до степен на неподносливост, измалтретирани граѓани и дезориентирани неопределени гласачи, се позаострени меѓуетнички односи, влошена економска состојба предизвикана од кревката безбедносна ситуација и нарушениот углед кај меѓународната заедница, бара итно решавање на кризата.

ВМРО-Народна партија повеќе пати досега предлагала измени во Законот за избори, со тоа што Р.Македонија би била една изборна единица, без поставување на квалификациски изборен праг. Сега е вистинско време да се прифати овој предлог, затоа што ова е став и на други политички партии, но и претставува уште посилно демократизирање на изборите. На ваков начин, секоја политичка партија би била заинтересирана самостојно да настапува во изборната трка, а при тоа да не ја губи својата автентичност како услов за влегување во големи коалиции. Со ова, Собранието на Р.Македонија, ќе стане вистинско место на размена на бројни идеи и политичко филозофски мисли, кои ќе допринесат за демократизација на општеството, што досега застапениот биполарен партиски систем не ги даде очекуваните резултати.

ВМРО-Народна партија заради елиминирање на и најмал сомнеж во регуларноста на одржаните избори и изборните резултати, на претстојните предвремени парламентарни избори, предлага да се примени Косовскиот модел за идентификација на гласач. Имено, секој гласач да го потврдува идентитетот со отпечаток на прстот на елекронскиот апарат за идентификација на отпечаток. Со ова операција се оневозможува повторно гласање на било кое место во Р.Македонија.


По двата митинзи кризата продолжува, искористете го политичкиот дијалог

ВМРО-Народна партија ја искажува својата разочараност од двете најголеми политички партии во македонскиот блок, за тоа како ја прикажуваат посетеноста на нивните митинзи. Бидејќи и двете партии искажуваат огромно задоволство од бројот на нивните членови кои учествуваа на митинзите и заради тоа секоја засебе си зеде за право да прибави легитимност на своите ставови, сакаме да ги потсетиме 

vmro_np

Изминативе години ВМРО-ДПМНЕ и СДСМ во континуитет имаат бројно членство и стабилно гласачко тело, така што во секое време можат да ги постигнат овие бројки. Непобитен факт е дека и двете политички партии на своите митинзи, немаа повеќе од 15 % од вкупниот број на нивни гласачи. Сметаме дека тоа и не е големо достигнување и прашуваме, дали отсуството на најголемиот број на нивни гласачи, значи и несогласување со нивните политики и начинот што го одбрале за разрешување на политичката криза.

Ако на ова го додадеме и целосното отсуство на неопределени граѓани на митинзите, повеќе од јасно е дека граѓаните не го одобруваат ваквиот начин на надминување на кризата.

И по одржувањето на двата митинзи, кризата остана и продолжува да се разгорува. Напротив, нема никаков позитивен исчекор. Напразно и двете партии ги убедуваа своите членови за конечна разрешница со сопствен триумф и капитулација на политичкиот противник.

ВМРО-Народна партија од секогаш силно го подржувала политичкиот дијалог за кој нема алтернатива, како начин за разрешување на секој проблем и заради тоа, ги упатува двете политички партии оваа тешка политичка криза да ја разрешат по институционален и политички пат, со помош на меѓународната заедница. Постигнатиот договор на ваков начин, ќе биде гаранција и за остварување на нашите евроатлантски аспирации.


ВМРО – НП повикува да не се шират дезинформации и непотврдени вести

ВМРО-Народна партија изразува длабоко сочувство на семејствата на загинатите полицајци при дводневните борбени активности во Куманово.

735084_105768852949012_1128531894_n

„Искрено жалејќи за загубата на младите животи им оддаваме чест и признание и нив и на сите припадници на безбедносните сили за искажаната голема храброст во извршување на нивната света должност во одбрана на татковината. На ранетите и повредени полицајци им посакуваме целосно закрепнување.

ВМРО- Народна партија повикува на максимална воздржаност на сите политички партии и други чинители во политичкиот живот во Р.Македонија, како и на пишаните и електронски медиуми, портали сајтови и социјалните мрежи, да не шират дезинформации и непотврдени вести. Сето ова, со цел да допринесиме сите заедно за смирување на состојбата и да дадеме шанса на одговорните институции во Р.Македонија, целосно да ги расветлат вистинските мотиви, со што ќе се надминат последиците од една ваква тешка ситуација.

ВМРО-Народна партија верува дека единствено на ваков начин ќе се дојде до вистината за ова што ги снајде сите граѓани на Р.Македонија и во атмосфера на целосна смиреност ќе може во иднина да се прават вистински анализи и да се извлечат заклучоци со кој навремено ќе се спречат вакви од никого непосакувани состојби“, се вели во соопштението на ВМРО-НП.

 


Кризата да се разреши таму каде што е местото, во Собранието

ВМРО-Народна партија е крајно загрижена од тешката политичка криза во која е вовлечена Р.Македонија, и според она што деновиве го видовме пред Владата каде што протестот ескалираше во насилство кое многу извесно можеше да заврши уште потрагично, не дај Боже и со губење на некој млад живот.

580048_3498592895898_957611312_a

Ваквата кризна ситуација е предизвикана од екстремно спротиставените ставови на двете најголеми политички партии околу решавањето на кризата и што е уште по загрижувачки немањето потготвеност од било која страна за договор. Строго придржувајќи се на своите партиски ставови, политиката која ја водат наликува на покер партија која е недозволива бидејќи влогот е премногу голем а тоа е судбината на Република Македонија и иднината на нејзините граѓани.

ВМРО-Народна партија предлага одржување на итна собраниска седница од затворен тип на која ќе присуствуваат сите избрани пратеници од власта и опозицијата, амбасадори во Р.Македонија и претставници на ЕУ, НАТО и ОБСЕ, како и главните уредници на пишаните и електронските медиуми. На седницата да се презентираат материјалите кои опозицијата има намера да ги објави во јавноста и да се оцени дали содржината на тие материјали може да биде опасна по општата безбедност на државата. Доколку материјалите го потврдуваат ова на седницата да се донесе заклучок со општ консензус за мирно разрешување на кризата. Легитимноста што произлегува од уставната положба на Собранието ќе гарантира безрезервно придржување кон заклучоците од сите страни, а присуството на меѓународната заедница ќе даде силен поттик на нашата искрена определба кон евро-атланските интеграции бидејќи на лице место ќе се увери во нашите искрени определби.

Секако, еднократното присуство на опозицијата на оваа затворена седница во никој случај не би значело прекин на бојкотот и целосно вклучување во работата на Собранието, туку знак на добра волја да се надмине тешката политичка криза во земјата. Исто така сите треба да ги почитуваат одредбите од тајноста на затворената седница доколку се определат да не се објавуваат содржината на материјалите.

ВМРО-Народна партија смета дека ваквиот предлог е добитна комбинација за двете политички партии и ќе претставува почеток за мирно разрешување на политичката криза и отворање на перспективите за евро-атланска интеграција на Р. Македонија.


Апелираме за рационално однесување за да не биде одземена препораката за преговори

ВМРО-Народна партија изразува искрено задоволство со одлуката на Европската Комисија да и се додели статус за асоцијација и стабилизација на Р. Косово со ЕУ.

vmro_np

Истовремено на политичките фактори во Косово им честитаме за искажаната спремност и храброст во нивниот од кон конечно членство во ЕУ, што од друга страна, заедно со претходно доделениот ист статус на Босна и Херцеговина претставува значаен исчекор во напорите за воспоставување на траен мир и целосна стабилизација на Западен Балкан.

ВМРО-Народна партија по којзнае кој пат ги потсетува сите политички партии и субјекти, но и целата македонска јавност, дека заради подолготрајната внатрешна политичка криза и отсуството на општ политички конзензус за разрешување на истата, како и јаловата и неодговорна надворешна политика, ќе останеме на крајот на агендите на ЕУ и Нато.

ВМРО-Народна партија апелира до сите политички субјекти во Република Македонија, за рационално однесување во овие преостанати неколку месеци до Октомври, да ги искористат сите демократски средства и цивилизиран политички дијалог, со цел да не биде остварено се поизвесното одземање на препораката за започнување на преговорите со ЕУ. Сосема е очекувано овој период, Косово и Босна и Херцеговина да го искористат за подобрување на нивната стартна преговарачка позиција со ЕУ, што во случај на одземање на нашата препорака, ќе значи иста дури и полоша позиција на РМ во однос на стартот на преговорите со ЕУ.


Страна 1 of 2412345...101520...последна »