Соопштенија

Лични интереси го загрозуваат идентитетот на МПЦ во Австралија

ВМРО–Народна партија со голема загриженост ги следи настаните кои со години прават раздор меѓу македонските православни верници во Австралија, а се однесуваат на канонската јурисдикција на Австралиско-Новозеландската Епархија.

ad283f3d-b158-4e2f-be57-446f5fa02d0b

Македонската јавност трпеливо долго време се надеваше дека еден ваков црковен спор, лесно ќе биде надминат на цивилизиран начин и според канонските одредби од Уставот на МПЦ-ОА. На изненадување на сите, овој навидум лесно решлив проблем се претвори во долготраен судски процес, кој Епархијата ја чинеше залудно потрошени милиони долари со кои можеа да се изградат уште неколку храмови.

ВМРО-Народна партија е згрозена од изјавите на некои самоповикани спасители кои решението на овој проблем го гледаат во формирање на посебна македонска православна црква во Австралија. Ваквиот чин е целосно антицрковен и директно е насочен против единството на МПЦ-ОА и во овој момент на ескалација на антимакедонски процеси, претставува најдиректно загрозување на македонскиот идентитет, со несогледиви последици.  

ВМРО-Народна партија ги повикува нашите иселеници во Австралија, кои се претставуваат како големи патриоти и заштитници на македонскиот идентитет, да застанат во одбрана на обединувачката улога што канонски и припаѓа на МПЦ-ОА и да ги спречат поделбите помеѓу македонските верници. Истовремено на македонските бизнисмени им порачуваме, нивниот искрен патриотизам да го докажат со инвестирање во разни економски проекти во Р.Македонија, а не да се занимаваат со создавање на паралелни цркви и присвојување на храмови изградени со пари од верниците, со што крајно неетички  го нарушуваат  интегритетот на МПЦ-ОА. 


Владата да објасни како членството во ЕУ стана невозможна мисија

ВМРО – Народна партија со големо разочарување, но за жал и очекувано, го прими ригидното НЕ од страна на Европската Унија за одредување на датум за отпочнување на преговори со Р.Македонија.

mk}vmron

Со години наназад понудените конструктивни предлози и сугестии од нашата партија за разрешување на политичките прашања кои го попречуваат нашето членство во ЕУ никогаш не беа сериозно сватени од власта. Притоа, постојано укажувавме дека со секое одложување на преговорите, за Р.Македонија ќе биде отежнат патот кон ЕУ со нови дополнителни барања, што ќе предизвика долгогодишна изолација наместо членство во елитниот европски клуб каде што токму денес се распределуваат  315 милијарди евра за земјите членки на ЕУ.

ВМРО-Народна партија ја повикува Владата на ВМРО-ДПМНЕ и ДУИ, да и објасни на македонската јавност како успеа да ја искомплицира внатрешно политичката ситуација во Р.Македонија до таа мера за да нашето членство во ЕУ стане речиси невозможна мисија. Исто така прашуваме, како при првата препорака единствен услов беше нерешениот проблем со името, а сега , после шестото НЕ од страна на ЕУ, да доминираат неисполнети услови со внатрешно политичка содржина; назадување во развојот на демократските процеси, изедначување на партијата со државата, партизирано и селективно судство, апсолутна контрола врз медиумите од страна на Владата, немање на политички дијалог помеѓу позицијата и опозицијата и што е најважно нарушените меѓу етнички односи.

ВМРО-Народна партија воопшто не е изненадена, што после сите негативни внатрешно политички процеси и погрешна надворешна политика, Европската Унија по се изгледа не врати на стартни позиции во преговорите еднакви со државите што го имаат стекнато статусот за асоцијација и стабилизација со ЕУ.

 


Kој е вистинската жртва на системот, дали Бранислав Синадиновски и сл. или македонската нација?

vmro_np

ВМРО-Народна партија ја поздравува храбрата одлука на г-динот Бранислав Синадиновски, кој е специјален советник на претседателот на ДУИ г-динот Али Ахмети, истовремено да застане на чело на Иницијативниот одбор за формирање на Албанска Православна Црква во Р.Македонија, како прв чекор во остварување на правата на православните Албанци во Р.Македонија. Тој ова го најави при промоцијата на својата книга ,,Православните Албанци во Р.Македонија,, за време на свеченоста за празникот посветен на Денот на албанското знаме.

ВМРО-Народна партија го прашува иницијаторот, зошто дури сега се охрабри да го објави неговото етничко потекло и да напише книга со ваква тематика, со која целосно го негира своето досегашно обемно творештво од областа на историјата и идентитетот на македонскиот народ. Низ македонската историја поминале повеќе таканаречени жртви на системот од типот на Бранислав Синадиновски, Матеја Матевски и други, кој едно пишувале, а длабоко во себе прикривале нешто сосема друго. Од ова произлегува суштинското прашање, кој е вистинската жртва на системот, дали тие или македонската нација и нејзиниот идентитет.

ВМРО-Народна партија ги потсетува граѓаните, особено раководството и членовите на ВМРО-ДПМНЕ, за содржината на книгата напишана од Синадиновски, а по повод 20 годишниот јубилеј на партијата, во која тој се самопрогласува за основач на ВМРО-ДПМНЕ. Оваа голема лага, која досега не е демантирана од ВМРО-ДПМНЕ, очигледно му одговара на сегашното раководство, кое по секоја цена сака да ја прикрие вистината за единствениот легитимно признат  основач на партијата, г-динот Љубчо Георгиевски.

ВМРО-Народна партија предлага, таканаречениот основач на ВМРО-ДПМНЕ да ја напушти функцијата специјален советник на Али Ахмети, да ја превземе функцијата претседател на ВМРО-ДПМНЕ, и со актуелната функција претседател на Иницијативниот одбор, целосно да ги оствари барањата на православните Албанци во Р.Македонија.


На Македонија е потребна вистинска, а не само декларативна заложба за ЕУ

mk}vmron

ВМРО-Народна партија сериозно го проанализира предложениот план на претседателот на Европската комисија г-динот Жан Клод Јункер, што го објави пред Европскиот Парламент, за формирање на европски фонд за инвестиции тежок преку 315 милијарди евра.

Стартот на оперативноста на овој фонд е предвиден за средината на 2015 година со траење од три години со можност за продолжување. Особено внимание привлекува намената на овој фонд кој ќе биде насочен за проекти од силен социјален и економски карактер, кој ќе придонесат за значајно намалување на невработеноста и подобрување на стандардот на најзагрозените социјални категории во сите држави членки на Европската Унија.

Според анализите на домашни и меѓународни експерти доколку постоеше вистинска, а не само декларативна заложба за ЕУ, Р.Македонија веќе ќе беше членка на ЕУ и ќе имаше право да ги користи овие богати фондови.

ВМРО-Народна партија прашува, што овие финансиски средства ќе значеа за Р.Македонија, која денес е најсиромашната земја во Европа, со највисок степен на невработеност во светот , со крајно ниска продуктивна економија, со најнизок стандард на граѓаните каде што најголем број на вработени заработуваат помалку од 8000 денари и каде што од 292.000 пензионери, 170.000 пензионери имааат пензија од 10.000 денари, а 70.000 пензионери земаат пензија од 5 – 6.000 денари. Слаба утеха за Македонија е вистината што голем број наши граѓани, особено високо стручни кадри ќе имаат прилика да користат дел од овие средства, напуштајќи за државата за подобар живот.

ВМРО-Народна партија апелира, до сите одговорни фактори во Р.Македонија да седнат и добро да размислат, споредувајќи ги аргументите за или против членство во ЕУ и да се определат, ќе го одбереме патот кон слобода, демократија и благосостојба или и понатаму ќе тонеме во очај, сиромаштија и безперспективност.


Прикривањето на прашања од демографска природа е многу лошо за иднината на државата

ВМРО-Народна партија со загриженост ги следи новинарските коментари на телевизија Алсат за состојбите во училиштето ,,Арсение Јовков,, во скопската општина Бутел, а се однесува на бројот на учениците и нивната етничка припадност.  

580048_3498592895898_957611312_a

Телевизија Алсат тврди дека во десетте македонски  паралелки  учат во просек помалку од 20 ученици, а две паралелки дури воопшто и не постојат. Згора на тоа, голем дел од учениците  што учат на македонски наставен јазик се албанци, турци и од други етнички заедници. Од друга страна, се укажува на несоодветни услови за изведување на наставата во шестте паралелки на албански наставен јазик каде што учат  повеќе од 40 ученици во паралелка.

Исто така, се наведува дека барањата на родителите албанци за надминување на оваа неповолна и вештачки создадена ситуација за нивните деца, редовно се игнорираат од страна на училишниот одбор, директорот, градоначалникот на општина Бутел Петре Латиновски и како најповикан градоначалникот на Град Скопје Коце Трајановски.

ВМРО-Народна партија од надлежните и посебно од градоначалникот на Скопје Коце Трајановски, бара  да се прикаже вистинската состојба и итно да се разреши овој проблем, бидејќи во спротивно може да се прошири и да добие на интензите кај и онака кревките меѓуетнички односи.

ВМРО-Народна партија апелира до колку постојат вакви и слични состојби во други училишта низ Р.Македонија, да не се прикриваат од локалните власти. Само вистинско презентирање на бројот на учениците, нивната етничка припадност и обезбедување подеднакви услови за сите ученици  може да доведе до разрешување на проблемите на задоволство на сите засегнати страни.Во спротивно прикривањето на ваквите крајно чуствителни прашања од демографска природа може да предизвика чувство  на заблуда кај одредени кругови за силна етничка доминантост што по правило продуцира неповолни последици за иднината на државата. Колку побргу станеме свесни за ова толку подобро за нас.


Страна 1 of 2012345...101520...последна »