Соопштенија

Охрабрени од резултатите на кампањата продолжуваме и понатаму

ВМРО-Народна партија сака да ја информира македонската јавност, дека делот од проектот за одбрана на македонскиот идентитет, кој се одвиваше преку билборди, со порака ,,СТОП за српската асимилација на македонската нација,, е незаконски, самоволно и на најгруб начин прекинат со тоа што постерите насилно и без наша согласност беа отстранети.

580048_3498592895898_957611312_a

ВМРО-Народна партија е загрижена од однесувањето на власта, која немајќи аргументи и докази за постоење на национална дискриминација содржани во пораката на билбордите но и без да не извести како нарачатели на оваа кампања, еднострано ја запре во обид да ги спречи позитивните реакции на граѓаните на Р.Македонија. Од друга страна, ова зборува дека нашите пораки се правилно сватени од граѓаните, и со тоа е постигната крајната цел на кампањата за освестување дека опасноста за опстанокот на македонскиот јазик, македонската песна, културата и се она што го обележува идентитетот на македонскиот народ, е сосема реална. Од ова, кристално јасно се гледа дека овој наш проект има благородна мисија за одбрана и сочувување на нашиот идентитет, и со тоа паѓаат во вода сите лажни обвинувања за наводно дискриминирање на нечиј ентитет.

ВМРО-Народна партија ги потсетува и сите, што се обидуваат да ја искриват вистината, но и пораката да ја насочат на погрешна адреса, или се дел од проектот за асимилација или се веќе целосно и неповратно асимилирани.

ВМРО-Народна партија и покрај ваквата манифестација на сила од страна на власта нема да се обесхрабри туку напротив ќе продолжи со уште поголема енергија, ентузијазам и креативност во осмислување и спроведување на нови проекти за будење на македонската национална свест во одбрана на македонскиот јазик, песна, култура и целото културно уметничко творештво што недвосмислено значи зачувување на сопствениот идентитет.


Кампањите се насочени кон србоманите во ВМРО-ДПМНЕ, не кон српското малцинство во Македонија!

ВМРО-Народна партија со ова соопштение ја информира македонската јавност дека започнува две паралелни кампањи, што имаат единствена цел, одбрана и зачувување на македонскиот национален идентитет.

ad283f3d-b158-4e2f-be57-446f5fa02d0b

Кампањата ,,СТОП за српската асимилација на македонската нација,, се одвива преку билборди поставени низ Скопје, а втората кампања ,,Сакаме да слушаме македонска музика, а НЕ српски кич,, е презентирана преку фејсбук.

Со оглед дека најголем дел од провладините медиуми и портали се обидуваат да го пренасочат јавното мислење дека ова кампања е против српското малцинство во Македонија, сакаме да дадеме дополнително објаснување, за сите оние кои сакаат да ја искриват целта на нашата кампања или поради интелектуални попречености не можат доволно да ја разберат.

ВМРО-Народна партија нема ништо против српскиот народ во Србија, а уште помалку против српското малцинство кое живее рамноправно со останатите малцинства во Р.Македонија.

Оваа кампања на ВМРО-Народна партија е директно, јасно и недвосмислено насочена против македонските србомани во составот на владеачката партија ВМРО-ДПМНЕ, кои во последните години преку својата геополитичка стратегија за Балканот, преку своите медиуми и со целата културна и музичка програма, го загрозува и систематски го разорува македонскиот национален идентитет.ВМРО-НП: Кампањите се насочени кон србоманите во ВМРО-ДПМНЕ, не кон српското малцинство во Македонија!


Телевизија Алфа е најголем уништувач на македонскиот идентитет

ВМРО-Народна партија смета дека уште со самото одобрување на  ревизија за приватизацијата на фирмата ,,Фершпед,, кој е можеби единствен случај во севкупната трансформација на сопственост во Р.Македонија, стана општо познато зошто тоа  е направено.

580048_3498592895898_957611312_a

На сите веднаш ни беше јасно дека раководството на ,,Фершпед,, беше уценето, во замена за позитивна судска одлука со која ќе ја сочува сопственоста на компанијата, за возврат да мора да ја отстапи телевизијата ,,Алфа,, на фирма блиска до актуелното ВМРО-ДПМНЕ.

Иако телевизијата беше продадена за повеќе од 20 пати пониска цена од реалната вредност, во ова соопштение ние нема да се занимаваме со спорните имотно-правни релации. Наша главна цел е да ја анализираме културно-образовната и музичка програма која драстично е променета откако оваа куќа стана нова вмровска телевизија.

Пред ова ,,Алфа,, беше една нормална македонска телевизија која со содржините во нејзината програма , редовно застануваше во одбрана на македонскиот идентитет, дури со некои емисии го заслужуваше епитетот на најмакедонска телевизија, а што добивме сега? Денес, кога телевизијата е целосно под контрола на ВМРО-ДПМНЕ, се претвори во  центар за антимакедонска пропаганда.Таа очигледно има за цел да го избрише македонскиот идентитет, да го разори македонскиот дух, да ја уништи македонската песна, да се заборави македонскиот јазик и потполно да го затупи македонскиот народ. Сето ова во комбинација со одродувачката улога на силните патриоти од ВМРО-ДПМНЕ, нашиот идентитет го прави лесен плен за големосрпските асимилаторски амбиции, кои по својата дрскост, отвореност, интензитет и експанзија не се забележани во поновата историја на овие простори.

Парадоксално е вмровците програмски да продаваат десна опција, а нивната телевизија целодневно да е преплавена со комунистичко партизански филмови со крајно левичарска идеологија. Лицемерно и срамно е вмровците од ДПМНЕ да ни кажуваат дека ревносно го бранат идентитетот од Грција, а нивната телевизија секојдневно со својата програма настојува до крај да го избрише тој ист идентитет.

ВМРО-Народна партија е огорчена и од лажниот патриотизам на  ВМРО-ДПМНЕ, содржан во нивните декларации за тоа колку се тие големи македонци. За ова, доволно е да погледнеме само дел од програмата на нивната телевизија и се ќе ни биде јасно.


Сите за загрижени поради загадениот воздух, освен Владата!

ВМРО-Народна партија е загрижена од секојдневните информации за степенот на загаденост на воздухот во Р.Македонија, а пред се во градовите Скопје, Тетово и Битола.

ad283f3d-b158-4e2f-be57-446f5fa02d0b

Од оваа состојба која предизвикува тешки пореметувања по здравјето на граѓаните, дури и со фатални последици по некои од нив, сите во Р.Македонија се крајно загрижени, освен оние кои имаат обврска да не заштитат од оваа елементарна непогода.

Иако оваа драматична состојба со загадувањето на воздухот во Р.Македонија трае подолго време и е ударна вест на сите светски агенции, надлежните институции, а пред се министерството за здравство, упорно молчи. Бараме од Тодоров да се изјасни дали се чувствува одговорен за неговата основна функција која подразбира грижа за здравјето на граѓаните. Дали, не дај боже со првата жртва од загадувањето, во неговото министерство и Владата ќе се запали црвеното светло за аларм.

ВМРО-Народна партија заради сериозноста на проблемот очекуваше итна соодветна реакција на горе прозваните институции. Но, очигледно е дека во министерството, во Владата на РМ и кај градоначалниците, не постои добра волја и доволен стручен капацитет кој ќе може да се справи со оваа кататасрофа. Опасноста по здравјето на граѓаните е општа и неселективна и заради тоа:

ВМРО-Народна партија предлага да се формира наднационална и надпартиска комисија составена од домашни и странски експерти по оваа проблематика, која најпрво ќе ги утврди вистинските причини и носителите кои ја доведоа земјата до оваа состојба. Потоа, врз основа на нивниот стручен капацитет што го поседуваат, ќе предложат соодветни мерки за елиминирање на штетните последици од загадениот воздух кој секојдневно ги трујат граѓаните, а пред се децата на Р.Македонија.


ВМРО-ДМПНЕ под менторство на братска Србија не оддалечува од ЕУ и НАТО

ВМРО-Народна партија со големо внимание ја анализира информативно – културната медиумска програма која неколку години наназад ја пласираат медиумите кои се под директна контрола на владеачката ВМРО-ДПМНЕ.

580048_3498592895898_957611312_a

После ваквата длабоко студиозна  и суштинска анализа, сакаме јасно да соопштиме пред македонската јавност, дека :

ВМРО-Народна партија ја ОБВИНУВА владеачката ВМРО-ДПМНЕ дека во континуитет продолжува да го загрозува идентитетот на македонскиот народ преку масовна и брутална србизација, користејќи ги медиумите кои се под нејзина контрола. Хистеричната пропаганда од страна на овие медиуми, целосно ги потисна македонскиот јазик, музика и култура, и отвори простор за непречено навлегување на се што е великосрпство, а е директно насочено против македонскиот идентитет. Сето ова оди во прилог на прикриените намери на ВМРО-ДМПНЕ, со помош на менторската улога на братска Србија, да се оддалечиме од ЕУ и НАТО, каде што е единственото место што гарантира наш опстанок и да не фрли во бездната на опасните, но за среќа неостварливите идеи за Македонија, како  дел од Голема Србија.

ВМРО-Народна партија неможе да најде пример во современиот свет, каде што партија со демохристијански предзнак, така сурово и безмилосно да го разорува и уништува идентитетот на народот кој го претставува, како што тоа го прави денешнава владеачка ВМРО-ДПМНЕ.

Од тука ако оваа жестока медиумска асимилаторска и самонегирачка политика, ја ставиме во контекст на политиката во битката за измислениот проблем со идентитетот со соседна Грција и се повеќе заострените односи со соседна Бугарија, за нас е комплетно јасно што е целта на таа политика.

Со ова, големите приказни дека ВМРО-ДПМНЕ го брани идентитетот, паднаа во вода. Целта е јасна, што подалеку од Европската Унија и НАТО, толку поблиску до Србија.


Страна 1 of 2212345...101520...последна »