Лажните патриоти треба да си заминат

интегрален текст од пресконференција на ден 04.10.2012

Почитувани,

Владеачката ДПМНЕ со се целата пропагандна машинерија од петнижили се обидува да не убеди, колку силно го брани достоинството на македонците.

Додека ДПМНЕ најпатриотски не брани, во текот на изминатите два месеци ги дозволија и замижаа пред следниве настани:

  • Поклонување пред споменикот на борците од УЧК во Слупчане

  • Промена на имињата на училиштата во Чаир.

  • Промоција на белата книга на одбраната, на албански јазик.

  • Промена на имињата на улиците во Скопје, Струга и Гостивар.

  • Пеење на химна на друга држава во училиштето во Џепчиште.

  • Пред 3 недели почна изградбата на најголемата џамија во Скопје која е лоцирана во паркот во Чаир.

  • Обраќање пред питомците од АРМ на Албански јазик.

  • Тепање на македонски деца во училиштето Цветан Димов а откако го одбранија името, сега веќе познато како Хасан Приштина.

Е ова е бранење на интересите и достоинството на македонците по ДПМНЕ – вски начин.

Ваква пожртвуваност во одбрана на државноста и достоинството намакедонците, на вака силнен и патриотски начин,никој досега не покажал.

Господо од ДПМНЕ, аман доста не браневте, немојте да не бранитеповеќе оти навистина не можеме повеќе да го издржиме вашето бранење.

ВМРО Народна партија смета дека најголема одбрана на интересите идостоинството на македската нација е промена на оваа влада.

Па затоа отворено даваме подршка на утрешната интерпелација навладата.